Shavkat Mirziyoyev davlat tashrifi bilan Xitoyga jo‘nab ketdi
Shavkat Mirziyoyev Si Szinpinning taklifiga binoan 23-yanvar kuni davlat tashrifi bilan Xitoyga jo‘nab ketdi.
Prezident matbuot xizmatining xabar qilishicha, tashrif doirasida oliy darajadagi muzokaralar va qator ikki tomonlama uchrashuvlar o‘tkazilishi ko‘zda tutilgan.
Kun tartibidan O‘zbekiston bilan Xitoy o‘rtasidagi har tomonlama strategik sheriklik munosabatlarini yanada mustahkamlash va keng ko‘lamli amaliy hamkorlikni kengaytirish masalalari o‘rin olgan.
Shuningdek, davlat rahbari Xitoy hududlaridan biriga tashrif buyurib, ushbu mamlakat yetakchi kompaniyalari va bank-moliya institutlari rahbarlari bilan uchrashuv o‘tkazadi.
Eslatib o‘tamiz, 2023-yilning may oyida Shavkat Mirziyoyev rafiqasi bilan birga davlat tashrifi bilan Xitoyga borgandi. O‘shanda O‘zbekiston prezidenti “Markaziy Osiyo—Xitoy” birinchi sammitida ishtirok etgan edi.
