2023-yilning 4-choragida Netflix kompaniyasining sof foydasi 17 barobarga oshdi
Dunyodagi eng yirik obuna video striming xizmati Netflix 2023-yilning to‘rtinchi choragida sof foydasini 17 barobarga, pullik obunachilar sonini esa 13 millionga oshirishga muvaffaq bo‘ldi.
Oktyabr-dekabr oylaridagi sof daromad 937,8 million dollarni tashkil etdi, o‘tgan yilning shu davrida bu ko‘rsatkich 55,3 million dollarni tashkil qilgan. Har bir aksiya uchun daromad bir yil avval 0,12 dollarni tashkil qilgan bo‘lsa, 2023-yilda 2,11 dollargacha oshdi.
Netflix’ning choraklik daromadi 12,5 foizga oshib, 7,85 milliard dollardan 8,83 milliard dollargacha oshgan. Pulli obunachilar soni 13,1 millionga ko‘paydi, bu to‘rtinchi chorakdagi rekord darajadagi o‘sish bo‘lib, jami obunachilar soni 260 milliondan oshdi.
Kompaniya prognoziga ko‘ra, 2024 yilning birinchi choragida uning daromadi 9,24 milliard dollarni tashkil etadi, ya‘ni o‘tgan yilga nisbatan 13,2 foizga o‘sadi.
Netflix birinchi chorak uchun sof daromad 1,976 milliard dollar bo‘lishini yoki har bir aksiya uchun 4,49 dollar daromadga erishishni prognoz qilmoqda.
Seshanba kungi qo‘shimcha savdolarda kompaniya aksiyalari 8,7 foizga o‘sdi. Oxirgi 12 oy ichida ularning qiymati 34 foizga oshdi.
