Qozog‘istonda yangi vazirlik tashkil etish taklif qilindi
Qozog‘istonda Geologiya va yerosti boyliklarini muhofaza qilish vazirligini tashkil etish taklif qilindi. Tegishli taklif deputat Arman Kalikov tomonidan ilgari surildi. Bu haqda “Nur.kz” xabar berdi.
Deputat bir necha hamkasblari va “Amanat” partiyasi aʼzolari nomidan bergan taklifida Qozog‘istonda konlarni o‘zlashtirish fuqarolarga foyda keltirishi — aholi punktlarini rivojlantirishi, ish o‘rinlari yaratilishi va hokazolar bo‘yicha ko‘p harakat qilishi kerakligini aytdi.
Biroq u amaldagi qonunchilik milliy manfaatlarni hisobga olmaydigan va faqat o‘z maqsadlarini ko‘zlagan sarmoyadorlar uchun Qozog‘iston konlariga kirishni ta’minlayotganini aytdi.
“Agar ilgari konni qazib olish jarayoni davlat tomonidan tartibga solingan bo‘lsa, hozir yerosti boyliklaridan kompleks va oqilona foydalanish konsepsiyasi yo‘qoldi. Ayni paytda qo‘riqxonalarni o‘zlashtirish vahshiylarcha, yirtqichlarcha olib borilmoqda”, — deydi Kalikov.
U Qozog‘istonda foydali qazilmalar zaxiralari tugab borayotgani, nazoratsiz qazib olish davom etayotgani, bu milliy va energetika xavfsizligiga tahdid solishini aytdi. Muammolarni hal qilish uchun deputatlar yangi vazirlik tuzishni taklif qildi.
“Shu munosabat bilan geologiya sohasini tizimli rivojlantirish uchun alohida davlat organi —Geologiya va yerosti boyliklarini muhofaza qilish vazirligini tashkil etish maqsadga muvofiq ko‘rinadi. Bu vazirlik istiqboldagi va joriy 3-5 yillik davr uchun yerosti boyliklarini o‘rganish bo‘yicha davlat dasturlarini ishlab chiqishi va mineral xomashyo bazasini to‘ldirishni taʼminlashi kerak”, — deydi ular.
