AQSH 15 yil ichida birinchi marta Buyuk Britaniyaga yadro qurolini joylashtiradi — OAV
AQSH Buyuk Britaniyada yadro qurolini joylashtirishni rejalashtirmoqda, deb yozadi The Telegraph hujjatlarga tayanib. Amerika yadroviy raketalari 2008-yilda Britaniya hududidan olib ketilgan.
Britaniya gazetasi AQSH Mudofaa vazirligining shu hafta va 2023-yil avgust oyida davlat xaridlari veb-saytida e’lon qilingan hujjatlarini topdi. Ularda Buyuk Britaniyada bo‘lajak yadroviy missiyaga tayyorgarlik ko‘rish uchun ballistik himoya vositalari va gidravlik rampalarni sotib olish zarurligi belgilangan. Pentagon, Buyuk Britaniya Mudofaa vazirligi va bosh vazirlik idorasi izoh berishdan bosh tortdi.
2008-yilgacha Leykenxet bazasida 110 ta Amerikaning B61 yadroviy bombalari joylashgan edi. 2023-yilning kuzida Rossiya Tashqi ishlar vazirligining rasmiy vakili Mariya Zaxarova Moskva Amerika yadroviy qurollarining Buyuk Britaniyaga qaytarilishini eskalatsiya deb hisoblashini aytdi. Uning ta’kidlashicha, bunday siyosat Rossiyani “kompensatsion qarshi choralar”dan foydalanishga majbur qiladi.
