Sadir Japarov ikkinchi muddatga prezidentlikka nomzodini qo‘yishi aytildi
Qirg‘iziston Vazirlar Mahkamasi raisi o‘rinbosari Edil Baysalov amaldagi prezident Sadir Japarov ikkinchi muddatga prezidentlikka saylanishini ma’lum qildi. U bu ma'lumotni u Azattyk radiosidagi Expert Talday dasturida aytdi.
“Prezidentimiz navbatdagi saylovlarda ishtirok etadi. Konstitutsiya bunga yo‘l qo‘yadi. U boshlagan ishini yarim yo‘lda qoldirmaydi. Xalq esa bunga yo‘l qo‘ymaydi. Kelgusi uch yilda xalq ko‘p yutuqlarga guvoh bo‘ladi”, — deydi Baysalov.
Eslatib o‘tamiz, Sadir Japarov ham, uning administratsiyasi ham navbatdagi prezidentlik saylovlarida ishtirok etish bo‘yicha hozircha rasmiy bayonot bergani yo‘q. 2023-yil dekabr oyi o‘rtalarida Milliy xavfsizlik davlat qo‘mitasi rahbari Qamchibek Tashiyev Sadir Japarov ikkinchi muddatga saylanishiga ishora qilgan edi.
Amaldagi Konstitutsiya (2021-yil aprel oyida qabul qilingan) bir shaxsga ikki marta olti yilgacha prezidentlik lavozimini egallash imkonini beradi. Qirg‘izistonda navbatdagi prezidentlik saylovlari 2027-yil yanvarida bo‘lib o‘tishi rejalashtirilgan.
