Borrel: “Yevropa Ittifoqi harbiy mobillikni oshirish uchun 1,7 mlrd yevro sarfladi”
Yevropa Ittifoqi mintaqada harbiy mobillikni oshirish uchun allaqachon 1,7 milliard yevro sarflagan bo‘lib, yirik mojaro yuzaga kelgan taqdirda harbiy kuchlarni ko‘chirish uchun zarur sharoitlarni tayyorlab qo‘ygan.
Bu haqda Yevropa Ittifoqi tashqi siyosat xizmati rahbari Josep Borrel Belgiya tomonidan tashkil etilgan Yevropa forumida ma’lum qildi.
“2018-yildan beri Yevropa Ittifoqi harbiy kuchlarning harakatchanlik darajasini oshirish uchun Ittifoqning 21 davlatida 95 ta loyihaga 1,7 milliard yevro sarmoya kiritdi. Ammo Ukrainadagi mojaro bu yetarli emasligini va biz xavfsizligimizni ta’minlash uchun yana qo‘shimcha choralar ko‘rishimiz kerakligini ko‘rsatdi”, — dedi Borrel.
Avvalroq Josep Borrel Yevropa sanksiyalari Rossiya mudofaa sanoatini yo‘q qila olmagani va endi Yevropa Ittifoqi “Ukraina tunnelining oxirida yorug‘likni ko‘rmayotgani”ni ta’kidlagandi.
