Eslatib o‘tamiz, 19-dekabr kuni Vashington Qizil dengizda to‘siqlarsiz va xavfsiz navigatsiyani ta’minlashdan iborat bo‘lgan “Farovonlik qo‘riqchisi” operatsiyasini e’lon qildi. 12-yanvar kuni AQSH va Buyuk Britaniya xalqaro koalitsiya ko‘magida yadroviy suvosti kemasidan uchirilgan samolyotlar va Tomahawk qanotli raketalari yordamida Yamandagi husiy nishonlariga hujum qildi. Shundan keyin husiylarga yana o‘n martalab zarba berildi.
CBS: AQSH Yamanda husiylarning parvozga shaylanayotgan dronlariga zarba berdi
AQSH Yamanda joylashgan 10 ta dronga zarba berdi, deb yozmoqda CBS News jurnalisti Norah O’Donnell Bahrayn Mudofaa vazirligidagi manbaga tayanib. Uning so‘zlariga ko‘ra, dronlar uchishga tayyorlanayotgan bo‘lgan.
Nora O’Donnellning X (sobiq Twitter)dagi postiga ko‘ra, zarba F-18 qiruvchi samolyotlari tomonidan yo‘llangan.
Avvalroq CNN manbalarga tayanib, AQSHning USS Gravely esminetsi Qizil dengizda yamanlik husiylar raketasini bir mil masofada urib tushirganini xabar qilgandi. Materialda aytilishicha, bu husiylarning Amerika kemasiga eng yaqin kelgan hujumi bo‘lib, avval husiy raketalari 7-8 milya masofadan urib tushirilgan.
Izoh
Kirish
Asosiy yangiliklar
