Ergashali Abdujalilov Oltinko‘l tumani hokimi v.b. etib tayinlandi

Ergashali Abdujalilov Oltinko‘l tumani hokimi vazifasini bajaruvchi etib tayinlandi. Bu haqda Andijon viloyati hokimligi matbuot xizmati xabar berdi. 

Ergashali Abdujalilov 1985-yili Marhamat tumanida tug‘ilgan. 2007-yilda IIV akademiyasini tamomlagan. Mehnat faoliyati davomida ijtimoiy, iqtisodiy, huquqiy tizimlarda mutaxassis, bo‘lim boshlig‘i, rahbar o‘rinbosari hamda rahbarlik lavozimlarida ishlagan. 

Ushbu lavozimga tayinlanguniga qadar Andijon viloyati hokimining mahalliy sanoatni rivojlantirish masalalari bo‘yicha yordamchisi sifatida faoliyat yuritib kelayotgan edi.