Olaf Shols Yevropada qurol ishlab chiqarishni ko'paytirishga chaqirdi

Germaniya kansleri Olaf Shols yevropalik hamkorlarni qurol ishlab chiqarishni sezilarli darajada oshirishga chaqirdi.

Bu haqda Shols Unterlus shahridagi yangi Rheinmetall o‘q-dorilar zavodining ochilish marosimida aytib o‘tdi.

Qurilish va ishga tushirish bosqichidan so‘ng zavod yiliga 200 mingta artilleriya o‘q-dorilarini ishlab chiqarishi kutilmoqda.

“Yevropalik hamkorlar o‘z buyurtmalarini birlashtirishi va mudofaa sanoatini keyingi bir necha o‘n yilliklar uchun mo‘ljallab yo‘lga qo‘yishi kerak. Biz keng ko‘lamli qurol ishlab chiqarishga o‘tishimiz kerak”, — dedi Shols.

Uning so‘zlariga ko‘ra, bu ishni zudlik bilan yo‘lga qo‘yish zarur, chunki hozirda zamon notinch bo‘lib turibdi.