“Parazitlar” rejissyori Bong Jun Xo Janubiy Koreya tarixidagi eng qimmat filmni suratga oladi

“Parazitlar” trilleri uchun to‘rtta “Oskar”ni qo‘lga kiritgan rejissyor Bong Jun Xo o‘zining ilk animatsion filmini suratga oladi. Bu haqda Janubiy Koreyaning Daum portali xabar berdi.

Bong Jun Xo film ssenariysi ustida 2018-yildan buyon ishlamoqda. Unda insonlar va dengiz mavjudotlari o‘rtasidagi o‘zaro munosabat aks ettiriladi.

Film nomi hozircha sir saqlanmoqda. Jurnalistlarning fikricha, uning byudjeti taxminan 52 million dollarni tashkil etadi, bu esa animatsion filmni Koreya kinosidagi eng qimmat loyihaga aylantiradi.

Eslatib o‘tamiz, Janubiy Koreyaning “Parazitlar” filmi 2020-yilda “Eng yaxshi film” nominatsiyasida “Oskar” mukofotiga sazovor bo‘lgan ilk ingliz tilida bo‘lmagan kino asardir.