“Biz zudlik bilan qurol ishlab chiqarishni ko‘paytirishni boshladik” — NATO bosh kotibi
NATO harbiy zaxiralari kamayishi bilan bog‘liq muammolarni boshdan kechirmoqda. Bu haqda alyans bosh kotibi Yens Stoltenberg Myunxen xavfsizlik konferensiyasidagi chiqishida ma’lum qildi.
NATO dunyodagi eng yirik harbiy kuchdir. U dunyo harbiy kuchlarining qariyb yarmini tashkil qiladi va harbiy jihatdan biz Rossiyadan kuchlimiz, — dedi u.
Alyans bosh kotibi Ukrainadagi urush yaqqol muammolar mavjudligini ko‘rsatganini, jangovar harakatlarni davom ettirish uchun ehtiyot qismlar, texnik xizmat ko‘rsatish va o‘q-dorilar zarurligini ta’kidladi.
Ukrainada urush boshlanganidan beri zaxiralarimizni deyarli tugatdik, endi ular juda oz. Shuning uchun ishlab chiqarishni zudlik bilan oshirmoqdamiz, — deya ta’kidladi u.
Mavzuga doir
Izoh
Kirish
Asosiy yangiliklar