“Navalniyning o‘limiga prezident Putin va uning hukumati mas’ul ekani aniq” — Jon Kirbi
AQSH Milliy xavfsizlik kengashi matbuot kotibi Jon Kirbi Oq uy 23-fevral kuni Aleksey Navalniyning o‘limi va Ukrainadagi urushning ikki yilligi munosabati bilan Rossiyaga qarshi yirik sanksiyalar to‘plamini e’lon qilgan. Bu haqda Reuters xabar berdi.
“Rossiya qanday voqeani aytishga qaror qilsa ham, Navalniyning o‘limiga prezident Putin va uning hukumati mas’ul ekani aniq”, — dedi Kirbi.
Uning qo‘shimcha qilishicha, Qo‘shma Shtatlar Rossiyadan siyosatchining o‘limi holati bo‘yicha to‘liq shaffoflikni talab qiladi.
Kirbiga ko‘ra, Rossiya Navalniy bilan bog‘liq voqea uchun va Ukrainadagi harakatlari uchun javobgar bo‘lishi kerak. Matbuot kotibining qo‘shimcha qilishicha, yangi sanksiyalar Navalniyning o‘limi bilan bog‘liq bir qancha aniq cheklovlarni ham o‘z ichiga oladi.
19-fevral kuni erining ishini davom ettirishini aytgan Yuliya Navalnaya Yevropa Ittifoqini Rossiyadagi prezidentlik saylovlari natijalarini tan olmaslikka va siyosatchining jasadini qarindoshlariga topshirmayotgan Rossiya rasmiylariga javobgarlikdan qochishga yo‘l qo‘ymaslikka chaqirdi.
