Yevropa Ittifoqi Navalniy o‘limi yuzasidan xalqaro tergov o‘tkazishni talab qildi

Yevropa Ittifoqi diplomatiyasi rahbari Jozep Borrel Moskvadan Aleksey Navalniyning to‘satdan o‘limi bo‘yicha “mustaqil va shaffof xalqaro tergov” o‘tkazishni talab qildi.

Yevropa kengashi e’lon qilingan bayonotda Borrel muxolifatchining o‘limi uchun javobgarlik Rossiya prezidenti Vladimir Putin va Rossiya hukumati zimmasiga yuklanganini aytdi.

“Yevropa Ittifoqi hamkorlarimiz bilan birgalikda Rossiyaning siyosiy rahbariyati va hokimiyatini javobgarlikka tortish va ularning harakatlari uchun qo‘shimcha sanksiyalar joriy etish uchun barcha sa’y-harakatlarni amalga oshiradi”, — dedi Borrel.

U Navalniy xotirasiga bag‘ishlangan mitinglarda Rossiyada hibsga olingan barcha odamlarni zudlik bilan ozod qilishga chaqirdi. 

Yevropa diplomatiyasi rahbari Navalniy butun umri davomida aqlbovar qilmaydigan jasorat ko‘rsatganini va urush hamda Rossiyada bo‘lajak prezidentlik saylovlari fonida “Putin va uning rejimi Navalniydan qo‘rqishganini” ta’kidladi.

“Yevropa Ittifoqi Rossiyani boshqa barcha siyosiy mahbuslarni, jumladan, Yuriy Dmitriyev, Vladimir Kara-Murza, Ilya Yashin, Aleksey Gorinov, Liliya Chanisheva, Kseniya Fadeyeva, Aleksandra Skochilenko va Ivan Safronovni zudlik bilan va so‘zsiz ozod qilishga chaqiradi”, — deyiladi xabarda.