O‘zbekistonda yanvar oyida eng ko‘p soliq to‘lagan korxonalar maʼlum qilindi

O‘tgan oyda respublika bo‘yicha eng ko‘p soliq to‘lagan kompaniya — “Navoiy kon-metallurgiya kombinati” AJ bo‘ldi.

Soliq qo‘mitasining xabar berishicha, mamlakatda yirik soliq to‘lovchilar soni 2 ming 186 taga yetdi. Joriy yilning yanvar oyida ular tomonidan 9 trillion so‘mga yaqin soliq tushumlari amalga oshirildi.

Shundan 4,6 trillion so‘mi davlat ulushi mavjud o‘nta yirik soliq to‘lovchi hisobiga to‘g‘i keladi. Ushbu o‘nlikda soliq to‘lovlari bo‘yicha “Navoiy kon – metallurgiya kombinati” AJ yetakchilik qilmoqda – 2,4 trillion so‘m, — deya maʼlum qildi qo‘mita. 

Shu bilan birga, “Olmaliq kon-metallurgiya kombinati” AJ va “O‘zbeknftgaz” AJ ham qolgan korxonalarga nisbatan ko‘proq soliq to‘lagan.

Davlat byudjetiga undirilgan soliqlarning 716 milliard so‘mi xususiy sektordagi o‘nta yirik soliq to‘lovchilar hisobiga to‘g‘ri keldi.

Mazkur reytingda Uz Bant AJ QK 231 milliard so‘m soliq tushumlarini amalga oshirgan holda eng yuqori ko‘rsatkichni qayd etgan.