Kiyimdagi yog‘ dog‘ini qanday qilib oson tozalash mumkin?

Oq yoki rangli kiyimingiz ustiga bexosdan yog‘li ovqat to‘kib yubordingizmi? Xavotirga hojat yo‘q, bunday dog‘ni oson va samarali tozalash yo‘li bor. Ushbu usul paxta yoki sintetik tolali kiyimlardagi eski, qotib qolgan dog‘larni tozalashda ham natija beradi. Biroq, ipak va atlas matoli kiyimlarda qo‘llashda ehtiyotkorlikni talab etadi.

Yog‘li dog‘ni bartaraf etish uchun kerak bo‘ladi:

• idish yuvish vositasi;
• sirka;
• paxta.

Idish yuvish vositasini dog‘ ustiga qalin qilib surtib, 20 daqiqaga qoldiring. Keyin plastik idishga 10-20 ml sirka soling. Paxtani sirkaga botirib, dog‘ ustiga singdirib chiqing va kiyimni yana 20 daqiqaga qoldiring.

So‘ng kiyimni kir yuvish mashinasida yoki qo‘lda odatiy tarzda yuving.