Aliya Bhatt barcha davrlarning eng buyuk aktrisalari — Nutan va Kajolni ortda qoldirishi mumkin

Aliya Bhatt barcha davrlarning eng buyuk aktrisalari Nutan va Kajol kabi “Eng yaxshi aktrisa” nominatsiyasida Filmfare mukofotini qo‘lga kiritdi.

U Madhuri Dikshit va Mina Kumarini ortda qoldirib, Bollivud tarixidagi eng yaxshi aktrisa nomintasiyasida 5 ta Filmfare mukofotini qo‘lga kiritgan uchinchi aktrisaga aylandi. Yaqinda o‘tkazilgan marosimda Bhatt “Rokki va Rani. Sevgi hikoyasi” filmidagi roli uchun bosh sovrinni qo‘lga kiritdi.

Ushbu g‘alabadan oldin Nutan va uning jiyani Kajol o‘z karyerasida 5 marta Filmfare olgan aktrisalar hisoblanardi. Biroq Aliya bu natijaga erishgan eng yosh va eng tezkor aktrisaga aylandi — 7 yil ichida 5 ta mukofot. Bhatt beshinchi mukofotini 30 yoshida oldi.

Taqqoslash uchun, Kajol 36 yoshda, Nutan esa 43 yoshda bunday e’tirofga sazovor bo‘lgan. Aliyaning “Eng yaxshi ayol roli” uchun birinchi sovrini 2016-yilda “Uchayotgan Panjob”, undan keyin esa “Fitna”, “Getto yigit”, “Gangubay Kathiavadi” hamda “Rokki va Rani” filmlari uchun beriladi.

Aliya iqtidorli aktrisa sifatida kelgusi yillarda yana bir nechta Filmfare mukofotlarini qo‘lga kiritib, barchani ortda qoldirishi ham mumkin.