Navalniy o‘limi: 43 ta davlat xalqaro tergov o‘tkazishni talab qildi
Rossiyalik muxolifatchi Aleksey Navalniy vafot etgach, 40 dan ortiq davlatlar fojia holatlarini mustaqil tekshirishga chaqirdi. Rossiya hukumati uning to‘satdan sodir bo‘lgan o‘limi yuzasidan mustaqil va shaffof xalqaro tergov o‘tkazish imkoniyatini ta’minlashi kerakligini ta’kidladi YIning Jenevadagi xalqaro tashkilotlar bo‘yicha vakili Lotte Knudsen. Bu haqda Barrons xabar berdi.
BMT Inson huquqlari kengashi vaqtida u Navalniyning o‘limi uchun asosiy javobgarlikni Rossiya prezidenti Vladimir Putin zimmasiga yuklagan.
Rossiya muxolifatchisi Aleksey Navalniyning o‘limidan g‘azabdamiz, buning uchun asosiy javobgarlik Putin va Rossiya hukumati zimmasida, — dedi Knudsen 43 davlat, jumladan, YI, AQSH, Buyuk Britaniya, Ukraina, Avstraliya, Yangi Zelandiya, Kanada va Norvegiya nomidan gapirar ekan.
Diplomatning so‘zlariga ko‘ra, Navalniyning kutilmagan va hayratlanarli o‘limi Rossiyada kuchaygan va tizimli repressiyalarning yana bir belgisidir. Knudsen Rossiyada va xorijda siyosiy muxolifatning repressiya qilinishidan chuqur xavotir bildirgan.
Navalniy 16-fevral kuni Yamal-Nenetsk avtonom okrugidagi 3-sonli axloq tuzatish koloniyasida vafot etgan. Siyosatchining jasadi 24-fevralda onasiga topshirilgan. Moskvadagi Borisovskiy qabristonida 1-mart kuni Navalniyning dafn marosimi bo‘lib o‘tgan edi.
