AQSH Ukrainaga hujumdan keyin Rossiyaga qarshi qo‘llangan sanksiyalarni bir yilga uzaytirdi
4-mart kuni AQSH prezidenti Jo Bayden Ukrainadagi vaziyat tufayli Rossiyaga qarshi joriy qilingan ayrim sanksiyalarni bir yilga uzaytirdi. Bu haqda Oq Uy tarqatgan bayonotga asoslanib, “TASS” nashri xabar berdi.
Gap Rossiyaga nisbatan 2022-yil 21-fevralda AQSHning amaldagi maʼmuriyati, 2018-yil 20-sentyabrda Donald Trampning avvalgi hukumati va 2014-yilning mart va dekabr oylarida AQSHning 44-prezidenti Barak Obama rahbariyati tomonidan Qrimga anneksiyasi uchun qo‘llangan choralar haqida bormoqda. Yangi tartibga ko‘ra, bu barcha sanksiyalar 2024-yil 6-martdan keyin ham amal qilishi kerak.
Oq uy xabariga ko‘ra, hozirda AQSH milliy xavfsizligi va tashqi siyosatiga tahdid juda yuqori. Bu borada hukumat yetarli hozirliklarni ko‘rmoqda. Chora-tadbirlar bir qismi o‘laroq, asosiy xavf bo‘lgan Rossiyaga nisbatan sanksiyalar muddati bir yilga uzaytirilgan.
Maʼlumot o‘rnida, Rossiyaga nisbatan ilk sanksiyalar 2014-yilning mart oyida Ukrainadagi voqealar va Qrimning Rossiya bilan birlashishi munosabati bilan joriy qilingan. O‘shandan beri sanksiyalar bir necha bor kengaytirilgan va yangilangan.
