Isroilning Rafah va G‘azo shaharlariga so‘nggi hujumida 19 nafar falastinlik halok bo‘ldi — Al Jazeera
11-mart kuni tongda Isroil harbiy samolyotlari G‘azo sektoriga bir qator zarbalar berdi. Hujumlar oqibatida kamida 19 nafar g‘azolik halok bo‘lgan. Bu haqda Al Jazeera nashri xabar berdi.
Xabarda aytilishicha, nisbatan faol hujumlar Rafah shahrining g‘arbiy qismidagi turar joy binolariga qaratilgan. 11-mart tongida ushbu hudud artilleriya snaryadlaridan o‘qqa tutilishi oqibatida uch nafar tinch aholi vakillari halok bo‘lgan.
Shu bilan birgalikda, G‘azo shahrining sharqiy qismidagi bo‘sh turar joylar va yaqin atrofdagi qishloq xo‘jaligi yerlari nishonga olingan. Qator obyektlar havo bombalaridan foydalanib, buzib tashlangan.
Xabarlarga ko‘ra, eng vayronkor holat G‘azo shahrining Zaytun aholi punktida sodir bo‘lgan. Ushbu hududda ko‘chirilgan oilalar joylashgan turar joylar binolari o‘qqa tutilgan. Natijada fuqarolar qochishga ulgurmasdan halok bo'lgan.16 nafar g‘azolik jasadlari vayronalar ostidan olib chiqilgani xabar qilingan.
