HAMASning “Al-Qassam” brigadalari G‘azo markazida Isroil tanklarini yo‘q qildi — Al Jazeera
15-mart kuni HAMAS tarkibidagi “Al-Qassam” brigadalari G‘azo markazida Isroil tanklarini nishonga olgan. Oqibatda mudofaa kuchlari texnikasiga jiddiy shikast yetkazilgan. Bu haqda Al Jazeera nashri xabar berdi.
Xabarda aytilishicha, “Al-Qassam” brigadasi askarlari G‘azo markazida Isroilning beshta Merkava tankini nishonga olgan. Harbiy texnikalar ishdan chiqarilib, dushman askarlari yo‘q qilingan.
Arab manbalari xabar berishicha, HAMAS kuchlari mintaqaning shimoli-g‘arbida joylashgan az-Zahra shahrida harakatlanayotgan tanklarga Al-Yassin 105 raketalaridan o‘t ochgan. Isroilning bir qancha harbiy obyektlariga ham hujumlar qilingani xabar berilgan.
Hujumda halok bo‘lgan Isroil askarlari soni maʼlum qilinmagan. HAMAS tomoni ham o‘z askarlari ichida yo‘qotishlar borligi to‘g‘risida maʼlumot bermagan.
