Rossiya qo‘shinlari Odessa viloyatiga dron va raketalar bilan hujum qildi (foto)
25-sentabrga o‘tar kechasi Rossiya qo‘shinlari Odessa viloyatiga uchuvchisiz uchoqlar, shuningdek, “Kalibr” va “Oniks” raketalari bilan hujum qildi. Ukraina Qurolli kuchlari Harbiy-havo kuchlari qo‘mondonligiga ko‘ra, dronlar Krasnodar o‘lkasining Primorsko-Axtarsk shahridan, “Kalibr”lar esa Qora dengizdagi kichikroq raketa kemasidan va suvosti kemasidan, “Oniks”lar Sevastopol hududidan uchirilgan.
Jami 19 ta dron, 12 ta “Kalibr” qanotli raketalari va ikkita “Oniks” raketasi uchib kelgan. Dronlarning barchasi va 11 ta “Kalibr” urib tushirilgan.
Qolgan raketalar port infratuzilmasiga zarar yetkazdi. Jumladan Odessadagi dengiz stansiyasi katta zarar ko‘rdi, don omborlari vayron bo‘ldi. Xizmat ko‘rsatmaydigan “Odessa” mehmonxonasi yonib ketdi. Qurbonlar haqida ma’lumotlar yo‘q.
Urib tushirilgan raketa va dron qoldiqlar Odessa chekkasidagi ombor va xususiy uyga zarar yetkazdi.
Iyul oyida Rossiya Qora dengizdagi portlardan don eksport qilish bo‘yicha bitimdan chiqqanidan rus qo‘shinlari Odessa viloyatiga deyarli har kuni uchuvchisiz uchoqlar va raketa hujumlarini uyushtirmoqda. Hujumlarning nishoni port infratuzilmasi obyektlari hisoblanadi.
