JAR prezidenti xalqaro jinoiy suddan Isroilning G‘azodagi harakatlarini tekshirishga chaqirdi

Janubiy Afrika Respublikasi prezidenti Siril Ramafosa Xalqaro jinoiy sudni Isroilning mintaqada sodir bo'layotgan "harbiy jinoyatlari" fonida Falastindagi harakatlarini tekshirishga chaqirdi. Bu haqda “RIA Novosti” xabar berdi.

“Biz ko‘plab boshqa mamlakatlar va tashkilotlarga qo‘shilib, Xalqaro jinoy sudni tergov qilishga chaqiramiz. Chunki buni o‘z ko‘zimiz bilan ko‘rib turibmiz, haqiqiy jinoyat, harbiy jinoyat sodir bo‘layotganiga guvohmiz. Ayniqsa, Al-Shifo kasalxonasida sodir bo‘layotgan voqealarga biz mutlaqo qarshimiz va turli davlatlarni Isroilga bosim o‘tkazishga chaqiramiz”, — dedi Ramafosa.

Ma’lumot uchun, Turkiya Isroil bosh vaziri Binyamin Netanyaxuni G‘azo sektoridagi genotsidda ayblab, Xalqaro jinoiy sudga da’vo arizasi kiritgan. 

“Turkiya Respublikasi fuqarolarining vijdonini ifodalab, biz Isroil bosh vaziri Binyamin Netanyaxuga qarshi Gaagadagi Xalqaro jinoyat sudiga da’vo arizasi berdik. U G‘azo sektorida sodir etgan genotsid va insoniyatga qarshi barcha jinoyatlar uchun sudga tortilishi kerak”, — degan turkiyalik advokat Metin Kulunk.