“Isroil va HAMASga G‘azoda joy yo‘q”: Jozep Borrel sektorni kim nazorat qilishini aytdi 

Yevropa Ittifoqi G‘azo sektori ustidan nazoratni Falastin ma’muriyatiga topshirish tarafdori. Bu haqda Yevropa Tashqi ishlar vazirligi rahbari Jozep Borrel ma’lum qildi.

“Isroil va HAMAS G’azoda qolmasligi kerak. Nazoratni o‘z qo‘liga olishi va aholiga xizmat ko‘rsatishi mumkin bo‘lgan yagona variant — Falastin ma’muriyati. Aslida Falastin maʼmuriyati G‘azo sektorini hech qachon tark etmagan”, — dedi diplomat.

Jozep Borrel Isroil G‘azo sektorini bombardimon qilishda urush qoidalarini hisobga olishi kerakligini qo‘shimcha qildi. Isroil bosh vaziri Binyamin Netanyaxu bir necha bor G’azoning Falastin ma’muriyati nazoratiga o‘tkazilishiga qarshi chiqqan, bunga G‘arbiy Sohildagi ma’muriyat rahbari Mahmud Abbos haligacha “HAMASni qoralamagani” sabab qilib ko‘rsatilgan.

Abbosning o‘zi noyabr oyi boshida AQSH Davlat kotibi Entoni Blinken bilan bo‘lib o‘tgan uchrashuvda sektorni boshqarishda yordam berishga tayyorligini ma’lum qilgandi.