Noyob kadrlar: shahzoda Garri va Megan Marklning 14 million dollarlik uyi qanday ko‘rinishga ega?

Buyuk Britaniya qirollik oilasining eng mashhur juftliklaridan biri – shahzoda Garri va uning rafiqasi Megan Markl Kaliforniyaning qoq markazidan, ko‘plab taniqli yulduzlar, jumladan Sher, Leonardo Di Kaprio, Mayli Sayrus kabi ijodkorlar yashaydigan hududdan hashamatli uy xarid qilgan. Yulduzlarning qo‘shnisiga aylanish Megan va Garriga ular bilan yaqindan tanishib olish, do‘stona aloqalarni kengaytirish imkoniyatini berdi.

Ayrimlar bu yerga ko‘chib o‘tish Meganning makkorona rejasi ekani, sobiq aktrisa shu orqali asta-sekin Gollivudga qaytmoqchi bo‘lganini ham taxmin qildi. Biroq oradan anchagina vaqt o‘tgan bo‘lsa hamki, Megan Gollivudga qaytmadi. Balki ushbu hashamatli uy boshqa hech qanday maqsad ko‘zlanmagan holda juftlikka shunchaki yoqib qolgani uchun xarid qilingandir...

Avvaliga Garri va Megan AQSHda joylashgan yangi uylari begonalar nazariga tushmasligi uchun imkon qadar harakat qilishdi. Ammo tez orada internet tarmog‘ida ularning uylari tashqi va ichki tomondan qanday ko‘rinishda ekanligi aks etgan suratlar paydo bo‘ldi. Qizig‘i shundaki, suratlarning tarqalib ketishiga insayderlar sababchi emas, uyni juftlikning o‘zi boshqalarga ko‘rsatgan: ular videomurojaatlaridan birini uy ichida tasvirga olishgan.

Shahzoda Garri va Megan Marklning 9 ta yotoqxona, 16 ta vannaxona va qo‘shimcha xonalardan iborat bo‘lgan 14 million dollarlik “qasri” mana bunday ko‘rinishga ega:

Suratlarga nazar tashlab yagona bir xulosa kelish mumkin: qirollarga xos turmush tarzidan qochishga urinishning o‘zi bilan ish bitmaydi. Pul sarflash masalasida ham Megan va Garrining qirollik oilasi vakillari ekanligi shundoqqina sezilib turadi. Interyerdagi viktorian davriga xos elementlar, fil suyagidan ishlangan kursilar, son-sanoqsiz hashamatli detallar buni yaqqol aks ettiradi...