OAV: Arab davlatlari Isroilni urushda yashirincha qo‘llab-quvvatlamoqda
Arab davlatlari HAMASga qarshi urushda Isroilni yashirincha qo‘llab-quvvatlamoqda. Bu haqda Bild xabar berdi.
Britaniyaning Economist jurnali va Isroilning Haaretz gazetasi shunday ma’lumot bergan. Omma oldida arab davlatlari hukumati Isroilni qoralashi va shu bilan jamoatchilik fikriga ergashishi aytiladi.
“Yopiq eshiklar ortida ularning ko‘pchiligi, jumladan, Fors ko‘rfazi davlatlarining aksariyati Isroilga urushni oxirigacha olib borish va HAMASni mag‘lub etish istagini bildirdi. Ular HAMASni o‘z kuchlari uchun ichki siyosiy xavf deb hisoblaydi”, — deyiladi xabarda.
Noyabr oyi o‘rtalarida Ar-Riyodda Arab davlatlari ligasi va Islom hamkorlik tashkilotiga aʼzo 50 dan ortiq davlat rahbarlarining uchrashuvi bo‘lib o‘tdi. Eron yetakchilari va boshqa bir qator siyosatchilar HAMASga qurol yetkazib berish va Isroilga qarshi sanksiyalar joriy etishni talab qilmoqda.
Biroq ikkala taklif ham rad etilgan. Saudiya Arabistoni kabi ba’zi davlatlar ham 1973-yilda “Qiyomat kuni urushi”da bo‘lgani kabi neftni qurol sifatida ishlatishdan bosh tortgan.
