Polsha prezidenti Ukrainadan kelgan nomaʼlum obyekt tufayli shoshilinch yig‘ilish o‘tkazadi

Polsha prezidenti Anjey Duda Ukrainadan kelgan noma’lum obyekt tufayli harbiy rahbariyat bilan shoshilinch uchrashuv tayinladi. 

Prezident saytida yozilishicha, Anjey Duda milliy mudofaa vaziri Vladislav Kosiniyak-Kamish bilan telefon orqali gaplashgan.

“Bugun Milliy xavfsizlik byurosida mahalliy vaqt bilan soat 13:00 da (Toshkent vaqti bilan 17:00) vazir Kosiniyak Kamish, Bosh shtab boshlig‘i Veslav Kukula, Qurolli kuchlar tezkor qo‘mondoni Machi Klish bilan shoshilinch uchrashuv bo‘lib o‘tadi”, — deyiladi xabarda.

Polsha Qurolli kuchlari tezkor qo‘mondonligi 29-dekabr kuni ertalab Ukraina hududidan Polsha havo hududiga noma’lum obyekt kirib kelgani haqida xabar bergandi. Unga havo mudofaa tizimi hamrohlik qilgan, keyin u radarlardan g‘oyib bo‘lgan.