Aliyev va Pashinyan uchrashadi. Muzokara sanasi va joyi ma’lum bo‘ldi 

Ozarbayjon prezidenti Ilhom Aliyev va Armaniston bosh vaziri Nikol Pashinyan o‘rtasidagi uchrashuv 5-oktabr kuni Ispaniyaning Granada shahrida bo‘lib o‘tadi. Bu haqda Armaniston Xavfsizlik kengashiga tayanib, “Interfaks” xabar berdi.

Uchrashuvga tayyorgarlik ko‘rish uchun Armaniston Xavfsizlik kengashi kotibi Armen Grigoryan Bryusselga amaliy tashrif bilan boradi.

“Bryusselda 26-sentabr kuni Grigoryan Fransiya prezidenti maslahatchilari, Germaniya kansleri, Yevropa kengashi rahbari va Ozarbayjon prezidenti yordamchisi Hikmet Hajiyev bilan 5-oktyabr kuni Granadadagi yetakchilar uchrashuviga tayyorgarlik ko‘rishi rejalashtirilgan”, — dedi Armaniston Xavfsizlik kengashi matbuot xizmati.

5-oktyabr kuni Granadada Ozarbayjon prezidenti, Armaniston bosh vaziri, Fransiya prezidenti, Germaniya kansleri va Yevropa kengashi rahbari ishtirokida besh tomonlama yig‘ilish o‘tkazilishi kutilmoqda.