HAMAS tunellarida 3-4 oylik janglar uchun yoqilg‘i va suv zaxirasi bor — NYT
Falastindagi HAMAS harakati 3-4 oylik janglar uchun yoqilg‘i, oziq-ovqat va dori-darmonlar zaxirasiga ega. Bu haqda arab va g‘arb rasmiylariga tayanib, The New York Times xabar berdi.
“HAMASda avtomobillar va raketalar uchun yuz minglab gallon yoqilg‘i (taxminan 380 ming litr), o‘q-dorilar, portlovchi moddalar va ularni ko‘proq ishlab chiqarish uchun materiallar, oziq-ovqat, suv va dori-darmon zaxiralari bor”, — dedi ismini oshkor etmagan rasmiylar.
Ta’kidlanishicha, HAMAS o‘nlab kilometr yerosti tunnellarini qurishga yillar sarflagan va u yerda uzoq davom etgan jang uchun zarur bo‘lgan deyarli hamma narsani to‘plagan. Avvalroq Isroil mazkur tunnellarni suv bilan to‘ldirmoqchiligi, u yerda asirlar saqlanayotgani xabar qilingandi.
Livanning ismini oshkor etmagan yuqori martabali amaldoriga ko‘ra, “HAMASning 3-4 oy davomida jangovar harakatlarni davom ettirish uchun yetarli zaxirasi bor”.
Shuningdek, HAMAS yerosti bunkerlarida o‘z qurollarini ishlab chiqarishni va ularni ilg‘or Isroil kuzatuv tizimlaridan himoya qilishni ham o‘rgangani ta’kidlanadi.
