HAMAS va Isroil o‘rtasidagi sulh ikki kunga uzaytirildi
HAMAS Isroil bilan gumanitar sulhni uzaytirishga rozi bo‘ldi. Bu haqda Falastin harakatiga tayanib, “RIA Novosti” xabar berdi.
Qatar va Misrdagi birodarlarimiz bilan xuddi shu shartlar ostida vaqtinchalik gumanitar sulhni yana ikki kunga uzaytirish bo‘yicha kelishuvga erishildi, — deyiladi bayonotda.
Misr davlat axborot xizmati rahbari Diya Rashvanga ko‘ra, agar gumanitar sulh uzaytirilsa, HAMAS 60 nafar falastinlik mahbus evaziga yana 20 nafar isroillik garovga olinganlarni ozod qilishi mumkin.
24-noyabr, juma kuni G‘azo sektorida Qatar vositachiligida Isroil va HAMAS o‘rtasidagi kelishuv doirasida o‘t ochishni to‘xtatish kelishuvi kuchga kirdi. Sulh o‘n kundan ortiq davom etmasligi mumkin.
Dastlabki uch kun ichida HAMAS 50 kun asirlikda bo‘lgan 40 nafar isroillik va 18 nafar xorijlikni ozod qildi. Bu vaqt ichida yahudiy davlati 117 nafar falastinlik mahbusni ozod qildi. Ayni damda tomonlar garovga olingan isroilliklarning to‘rtinchi guruhini qaytarish bo‘yicha muzokaralar olib bormoqda.
Jami 200 dan ortiq odam HAMAS garovida bo‘lishi mumkin. Isroil rasmiylari sulh tugaganidan keyin armiya HAMASni yo‘q qilish sa’y-harakatlarini davom ettirishini bir necha bor ta’kidlagan.
