Rossiyaning Ukrainaga hujumi fonida Polsha havoga qiruvchilarini ko‘tardi
Polsha harbiy-havo kuchlari AQSH harbiylari bilan birgalikda Rossiyaning Ukrainaga qarata raketa hujumlari fonida to‘rtta F-16 qiruvchi samolyotini havoga ko‘tardi. Bu haqda Polsha qurolli kuchlari operativ qo‘mondonligi X ijtimoiy tarmog‘ida ma’lum qildi.
Xabarga ko‘ra, Ukraina hududiga zarbalar berish bog‘liq bo‘lgan Rossiyaning uzoq masofali aviatsiyasining intensiv faoliyati kuzatilgan.
“Polsha havo hududi xavfsizligini taʼminlash uchun ikki juft F-16 qiruvchi samolyoti va ittifoqchilarning yonilg‘i quyish samolyotini havoga ko‘tardi. Mahalliy vaqt bilan taxminan soat 5:45 da Laskadagi bazada joylashgan amerikalik samolyotlar, soat 6:15 da Kshesinadagi bazadan polshalik samolyotlar ko‘tarildi”, deyiladi xabarda.
Eslatib o‘tamiz, Rossiyaning yirik raketa hujumi paytida Ukraina hududidan Polshaga “noma’lum obyekt” uchib kelgandi. Keyinchalik u Rossiyaning raketasi bo‘lgani aniqlangan. Shundan keyin Polsha “o‘z havo hududini buzadigan navbatdagi provokatsiyalarga qattiqroq munosabatda bo‘lishini” bildirgan.
Polsha prezidenti Anjey Duda NATO bosh kotibi Yens Stoltenberg bilan Rossiyaning Ukrainaga raketa hujumi paytida Polsha havo hududining buzilishini muhokama qilgan.
