“Tolibon” Shimoliy Koreyadan yashirincha yadroviy qurol olmoqchiligi ma’lum qilindi
AQSH rasmiylari “Tolibon” harakati Shimoliy Koreyadan yashirincha yadroviy qurol olmoqchiligini ma’lum qildi. Bu haqda Tasnim xabar berdi.
AQSH Kongressi vakillar palatasining tashqi aloqalar qo‘mitasi aʼzolari o‘tkazgan yig‘ilishda tegishli masala yuzasidan fikr bildirilgan. Jumladan, tashqi aloqalar qo‘mitasining respublikachi aʼzosi “Tolibon” yadro qurolini Pokiston va Shimoliy Koreyadan olishga harakat qilayotganini aytgan.
Uning ta’kidlashicha, “Tolibon” hukumati yadroviy qurol texnologiyasini muhokama qilish va KXDR bilan qurol aloqasini o‘rnatish uchun Shimoliy Koreyaga delegatsiya yuborgan. Bu bayonotlarga javoban “Tolibon” hukumati matbuot kotibi Zabihulloh Mujohid Kobul hech bir davlat bilan qurol-yarog‘ olish masalasini muhokama qilmagani va “Tolibon” kuchlarida yetarlicha texnika borligini aytdi.
