Yaman husiylari Isroilga tegishli har qanday kemaga zarba berishini e’lon qildi (video)

Qizil dengiz sohillarini nazorat qiluvchi Yaman shimolidagi hukmron Ansor Alloh (husiylar) harakati Isroil bilan bog‘liq har qanday kemaga hujum qilish niyatida ekani haqida ogohlantirdi. Bu haqda ”RIA Novosti” xabar berdi.

Husiylar boshqa davlatlarni mazkur kemalardagi ekipajlarini chaqirib olishga va dengizda ularga yaqinlashmaslikka chaqirdi.

“G‘azo sektoriga qarshi shafqatsiz Isroil-Amerika agressiyasini hisobga olib, Yaman qurolli kuchlari sionistik tuzum bayrog‘i ostida suzuvchi barcha kemalar, Isroil kompaniyalari tomonidan boshqariladigan va Isroil kompaniyalariga tegishli bo‘lgan kemalarni nishonga olishlarini e’lon qiladi”, — dedi husiy qurolli kuchlarining harbiy vakili Yahyo Sariya.

Shuningdek, Yaman qurolli kuchlari dunyoning barcha mamlakatlarini o‘z fuqarolarini ushbu kemalar ekipajlaridan chaqirib olishga, yuk tashishdan va bu kemalardan foydalanishdan qochishga hamda dengizda sayohat qilishda ular bilan xavfsiz masofani saqlashga chaqirdi.