Stoltenberg nega NATO qo‘shinlari Rossiya chegaralari yaqinida to‘planganini tushuntirdi

NATO bosh kotibi Yens Stoltenberg hozirda alyansning birorta hamkoriga Rossiya tomonidan tahdid ko‘rmayotganini aytdi. Bu haqda “Kommersant” xabar berdi.

U NATOning Rossiya bilan chegaralar yaqinida mavjudligini kuchaytirishni keskinlashuvning oldini olish istagi bilan izohladi.

“Biz ittifoqchilarning birortasiga to‘g‘ridan to‘g‘ri va bevosita tahdidlarni ko‘rmayapmiz. Rossiyaning harakatlarini diqqat bilan kuzatib boryapmiz, hushyorligimizni, alyansning sharqiy qanotidagi hozirligimizni oshirmoqdamiz, maqsad ittifoqchilarning birortasiga qilinadigan har qanday hujumning oldini olishdir”, — dedi Stoltenberg.

NATO bosh kotibiga ko‘ra, Rossiya urushi boshlanganidan beri alyansning ikkita asosiy maqsadidan biri Ukrainani qo‘llab-quvvatlash bo‘lgan.

“Yana bir maqsad — NATO va Rossiya o‘rtasida keskinlashuv va keng ko‘lamli urushning oldini olish”, — dedi Yens Stoltenberg.