AQSH Isroilga G‘azoda kichikroq bombalardan foydalanishni maslahat berdi — OAV
AQSH rasmiylari Isroilga G‘azo sektorida tinch aholi qurbonlarini kamaytirish bo‘yicha choralar ko‘rish uchun tavsiya berdi. Bu haqda manbalarga tayanib, New York Times xabar berdi.
3-noyabr kuni juma tashrifi chog‘ida AQSH davlat kotibi Entoni Blinken bosh vazir Binyamin Netanyaxu bilan Isroil tinch aholi o‘limini minimallashtirish uchun qo‘yishi mumkin bo‘lgan va qilishi kerak bo‘lgan “aniq qadamlar” haqida gaplashgan. Blinken 4-noyabr kuni Iordaniyada arab yetakchilari bilan uchrashgandan keyin ham xuddi shu fikrni takrorlagan.
“Anonimlik sharti bilan gapirgan AQSH rasmiylari isroillik hamkasblariga o‘z amaliyotlarida muvozanatli yondashishni maslahat bergan bir qancha suhbatlar bo‘lganini maʼlum qildi”, — deyiladi xabarda.
AQSH rasmiylariga ko‘ra, Isroil “HAMAS yetakchilarini nishonga olish usullarini takomillashtirish”, zarba berishdan oldin HAMASning qo‘mondonlik va nazorat tarmoqlari haqida ko‘proq razvedka ma’lumotlarini to‘plash, tunnellar tarmog‘ini yo‘q qilish uchun kichikroq bombalardan foydalanish orqali G‘azo sektoridagi qurbonlar sonini kamaytirishi mumkin.
