Eron generali G‘azoga hujum to‘xtamasa, AQSHga zarba berishini aytdi

Eron mudofaa vaziri, brigada generali Muhammad Rizo Ashtiani AQSH G‘azo sektoridagi urushni to‘xtatmasa, unga jiddiy zarba berish bilan tahdid qildi. Bu haqda Tasnim xabar berdi.

“Bizning amerikaliklarga maslahatimiz shuki, Isroil va Falastin o‘rtasidagi urushni zudlik bilan to‘xtatib, o‘t ochishni to‘xtatishni taʼminlash, aks holda Qo‘shma Shtatlar jiddiy zarba oladi”, — dedi mudofaa rahbari.

Eron tashqi ishlar vaziri Husayn Amir Abdullohiyan 1-noyabr kuni AQSHni G‘azo va G‘arbiy Sohilda falastinliklar o‘ldirilishini qo‘llab-quvvatlaganlik uchun javobgarlikni o‘z zimmasiga olishga chaqirdi. Uning so‘zlariga ko‘ra, Falastin xalqining genotsidi va tinch aholiga qarshi urush jinoyatlari to‘xtamasa, “mintaqa jiddiy qaror qabul qilishga yaqinlashadi”.